شارجہ (مانیٹرنگ ڈیسک) پاکستان اور افغانستان کے درمیان سیریز کے تیسرے اور آخری میچ میں افغانستان نے ٹاس جیت کر پہلے فیلڈنگ کا فیصلہ کیا، پاکستان کی جانب سے محمد حارث 1، صائم ایوب 49، طیب طاہر 10، عبداللہ شفیق 23، عماد وسیم 13، افتخار احمد 31، شاداب خان 28 رنز بنا کر آؤٹ ہوئے جبکہ محمد نواز 5 اور محمد وسیم 9 رنز کے ساتھ ناٹ آؤٹ رہے، پاکستان نے مقررہ بیس اوورز میں سات وکٹوں کے نقصان پر 182 رنز بنائے اور افغانستان کو جیتنے کے گئے 183 کا ہدف دیا۔ افغانستان کی جانب سے مجیب الرحمان نے دو جبکہ فضل حق فاروقی، محمد نبی، راشد خان، فرید احمد اور کریم جنت نے ایک ایک کھلاڑی کو آؤٹ کیا۔