پشاور (این این آئی) صوبائی دارالحکومت پشاور کے علاقے تہکال بالا میں گزشتہ روز گھر سے 2 لاشوں کے ملنے کے واقعہ کی تحقیقات شروع کر دی گئیں ۔پولیس کی ابتدائی تفتیش کے مطابق مقتولین دوست تھے اور دونوں نے ایک دوسرے کو قتل کیا ۔پولیس کے مطابق ایک دوست کی موت فائرنگ اور دوسرے کی چھری لگنے سے ہوئی ہے۔پولیس کے مطابق مقتول عالم زیب اور مقتول نعمان دوست تھے۔نعمان عالم زیب کے گھر آیا تھا، دونوں منشیات کے عادی تھے۔پولیس کے مطابق مقتول عالم زیب کے بھائی کی مدعیت میں واقعے کی رپورٹ درج کر لی گئی ۔