اسلام آ باد(پی پی آ ئی ) پاکستان نے آئی ایم ایف کو تحریری یقین دہانی کیلئے سعودی عرب اور یو اے ای حکام سے باضابطہ طور پر رابطہ کر لیا،دوست ممالک نے جواب دینے کے لئے وقت مانگ لیا۔ میڈیا ذرا ئع کے مطابق وزیراعظم آفس اور وزارت خزانہ حکام نے سعودی عرب اور یو اے ای حکام سے رابطہ کیا ہے اورآئی ایم ایف کی شرط پر دوست ممالک سے ڈپازٹ کیلئے تحریری ضمانت دینے کی باضابطہ درخواست کی ہے۔ذرائع کا کہنا ہے کہ سعودی عرب اور یو اے ای کی جانب سے ڈپازٹ کیلئے فوری طور پر تاحال کوئی جواب نہیںتاہم تحریری یقین دہانی دینے کیلئے وقت مانگ لیا۔