اسلام آباد (پی پی آئی)عوام کو سستے پٹرول کی فراہمی مئی میں شروع ہوگی وفاقی کابینہ نے عوام کو سستا پٹرول فراہم کرنے کی منظوری دیدی ہے ۔پی پی آئی کے مطابق وزیر مملکت پیٹرولیم مصدق ملک نے کہا کہ حکومت نے غریب عوام کیلئے پیٹرولیم مصنوعات کی قیمتیں کم کرنے کا فیصلہ کیا ہے،امیر اور غریب کیلئے پیٹرول کی قیمت میں 100 روپے کا فرق ہوگا، غریب لوگوں کیلئے پیٹرول پر رعایت کے فیصلے پر 6 ہفتوں میں عمل کیا جائے گا، وزیر مملکت نے کہا کہ گاڑیوں کے پیٹرول کی قیمت زیادہ دیں گے۔وفاقی کابینہ نے عوام کو سستا پٹرول فراہم کرنے کی منظوری دیدی، ذرائع کاکہناہے کہ سستے پٹرول کی فراہمی کے حوالے سے میکنزم تشکیل دیدیا گیا،وزارت پٹرولیم نے وفاقی کابینہ سے پلان کی منظوری لی۔

موضوعات:وفاقی کابینہ