واشنگٹن(پی پی آئی) امریکی کانگریس میں 23 مارچ یوم پاکستان منانے کی قرارداد پیش کر دی گئی۔ میڈیا ذرا ئع کے مطابق قرارداد ریاست نیویارک سے ڈیموکریٹک پارٹی کے کانگریس مین جمال باومن نے پیش کی۔قرارداد پیش کرنے کے بعد کانگریس میں جمال باومن نے پاکستانی امریکن کمیونٹی کو مبارکباد پیش کی، کانگریس مین نے رمضان کی مبارکباد بھی دی، امریکن پاکستانی ایڈوکیسی گروپ کا قرارداد پیش کروانے میں اہم کردار ہے۔پاکستانی سفیر سردار مسعود خان نے امریکی کانگریس میں قرار داد پیش کرنے پر جمال باومن کا شکریہ ادا کیا، ایڈوکیسی گروپ کے علی رشید نے بھی اظہار تشکر کیا۔

موضوعات:امریکی کانگریس