لاہور ( این این آئی) پولیس نے پنجاب میں پاکستان تحریک انصاف کے چیئرمین عمران خان کے خلاف درج مقدمات کی رپورٹ عدالت میں پیش کر دی۔رپورٹ کے مطابق عمران خان کے خلاف پنجاب بھر میں 6مقدمات درج ہیں، دومقدمات میں عمران خان کوڈسچارج کردیاگیا جبکہ 4مقدمات زیرتفتیش ہیں۔پولیس کے مطابق عمران خان کو راولپنڈی کے تھانہ نیوائیرپورٹ اور تھانہ مدینہ ٹائون کے مقدمے میں بے قصور قرار دیا گیا۔رپورٹ میں کہا گیا ہے کہ عمران خان کے خلاف تھانہ سرور روڈ اور ریس کورس میں درج مقدمات میں تفتیش جاری ہے۔خیال رہے کہ 17مارچ کو عمران خان کی 9مقدمات میں حفاظتی ضانت منظور کرلی گئی تھی۔