بھکر(این این آئی)پاکستان تحریک انصاف کے رہنما علی امین گنڈا پور مبینہ طور پر پولیس چیک پوسٹ پر حملہ کرنے کے بعد فرار ہوگئے پولیس کے مطابق علی امین گنڈاپور نے ڈیرہ اسماعیل خان جاتے ہوئے داجل چیک پوسٹ پر مبینہ ہنگامہ آرائی کی،
انہیں چیکنگ کیلئے روکا گیا تو انہوں نے چیک پوسٹ پر ہنگامہ کردیا۔پولیس کے مطابق کے پی کے اورپنجاب سرحد پرچیک پوسٹ پر تمام گاڑیوں کی انٹری کی جاتی ہے، چیک پوسٹ پر ہنگامہ آرائی کے بعد علی امین گنڈاپور فرار ہوگئے۔پولیس ترجمان نے کہا کہ علی امین گنڈا پور شراب کے نشے میں تھے، ان کی گاڑی کو تیز رفتاری پر روکا گیا تو ان کی پولیس اہلکاروں سے تلخ کلامی بھی ہوئی، اس دوران علی امین اور ان کے ساتھیوں نے چیک پوسٹ پر فائرنگ کی۔دوسری جانب ڈی پی او محمد نوید نے کہاکہ واقعہ کے بعد علی امین گنڈا پورکے 4 گارڈ اورگاڑی کو حراست میں لے لیا ہے جن میں آفتاب، شکیل، الطاف اور نیک محمد شامل ہیں۔
