نیویارک(این این آئی)مسیجنگ ایپلی کیشن واٹس ایپ نے جدت لاتے ہوئے اپنے پلیٹ فارم پر تصاویر سے متعلق ایک زبردست فیچر متعارف کرادیا۔غیرملکی میڈیا کے مطابق جن صارفین کو یہ فیچردستیاب ہے وہ تحریرلکھی تصویرکوکھول کر ظاہرہونے والے ایک بٹن کی مدد سے ٹیکسٹ کو کاپی کرسکیں گے۔واٹس ایپ کی جانب سے متعارف کرایا جانے والا یہ نیا فیچر فی الحال آئی فون صارفین کے لیے جاری کیا گیا۔اس نئے فیچرکو آئی او ایس 16 یا اس سے اگلے ورژن کا آپریٹنگ سسٹم استعمال کرنے والے صارفین استعمال کر سکیں گے تاہم ان تصاویر سے تحریر اخذ نہیں کی جاسکے گی جو صرف ایک بار دیکھے جانے والے آپشن کے تحت بھیجی جائیں گی۔