اسلام آباد(آن لائن) وزیر اعظم آفس نے کہا ہے کہ پاکستان کا ایٹمی اور میزائل پروگرام قومی اثاثہ ہے، سوشل اور پرنٹ میڈیا کے ذریعے ڈی جی آئی اے کے حالیہ دورے سے متعلق منفی تاثر پھیلانے کی کوشش کی گئی،ترجمان زیر اعظم کی جانب سے جاری بیان میں کہاگیا ہے کہ ایٹمی اور میزائل پروگرام مکمل طور پر محفوظ اور فول پروف ہے،پروگرام پر کسی قسم کا کوئی دباؤ نہیں ہے،ریاست پاکستان ایٹمی اور میزائل پروگرام کا بھرپور تحفظ کر رہی ہے،ترجمان نے کہا کہ جس مقصد کے تحت یہ صلاحیت حاصل کی گئی تھی وہ مکمل طور پر پورا ہو رہا ہے،ڈی جی آئی اے ای اے کا دورہ پاکستان پر امن ایٹمی پروگرام سے متعلق تھا۔