لاہور (مانیٹرنگ ڈیسک) پاکستان سپر لیگ کے کوالیفائر میچ میں ملتان سلطانز نے لاہور قلندرز کے خلاف ٹاس جیت کر پہلے بیٹنگ کا فصلہ کیا، ملتان سلطانز کی جانب سے عثمان خان 29، محمد رضوان 33، رئیلی روسو 13،خوشدل شاہ صفر، کیرون پولارڈ 57 رنز بنا کر آؤٹ ہوئے۔

ٹم ڈیوڈ 22 اور انور علی ایک رنز بنا کر ناٹ آؤٹ رہے، ملتان سلطانز نے مقررہ 20 اوورز میں 5وکٹوں کے نقصان پر 160 رنز بنائے اور لاہور قلندرز کو جیتنے کے لئے 161رنز کا ہدف دیا۔ لاہور قلندرز کی جانب سے حارث رؤف نے تین جبکہ زمان خان اور راشد خان نے ایک ایک کھلاڑی کو آؤٹ کیا۔ لاہور قلندرز کی جانب سے فخر زمان 6، مرزا بیگ 8، عبداللہ شفیق 0، شاہین آفریدی 0، حسین طلعت 4، سکندر رضا 1، راشد خان 0، سیم بلنگز 19، ڈیوڈ ویسے 12، حارث رؤف 15رنز بنا کر آؤٹ ہوئے۔ لاہور قلندرز کی پوری ٹیم 14.3 اوورز میں 76 رنز پر آؤٹ ہو گئی، ملتان سلطانز کی جانب سے شیلڈن کوٹریل نے 3، اسامہ میر نے دو جبکہ کیرون پولارڈ، عباس آفریدی،احسان اللہ اور انور علی نے ایک ایک کھلاڑی کو آؤٹ کیا۔ اس طرح ملتان سلطانز نے فائنل کے لئے کوالیفائی کر لیا جبکہ لاہور قلندرز کے پاس فائنل میں جانے کے لئے ایک چانس موجود ہے۔