اسلام آباد (این این آئی) وفاقی حکومت نے انسپکٹر جنرل (آئی جی) گلگت بلتستان محمد سعید کو تبدیل کردیا۔اس حوالے سے اسٹیبلشمنٹ ڈویڑن سے دو الگ الگ نوٹیفکیشنز جاری کئے گئے ہیں گئے ہیں ۔تفصیلات کے مطابق وفاقی حکومت نے انسپکٹر جنرل (آئی جی)

گلگت بلتستان محمد سعید کو تبدیل کرتے ہوئے ان کی جگہ گریڈ 20 کے پولیس افسر دار علی خان خٹک کو گلگت بلتستان کا آئی جی تعینات کردیا گیا ہے۔جاری نوٹیفکیشن میں کہا گیا کہ بحیثیت آئی جی گلگت بلتستان فرائض انجام دینے والے گریڈ 21 کے پولیس افسر محمد سعید کا تبادلہ کردیا گیا ہے۔مزید کہا گیا ہے کہ انہیں فوری طور پر اسٹیبلشمنٹ ڈویڑن رپورٹ کرنے کی ہدایت کی گئی ہے جس پر اطلاق فوری ہوگا۔اسٹیبلشمنٹ ڈویژن سے جاری دوسرے نوٹیفکیشن میں کہا گیا ہے کہ خیبر پختونخوا حکومت میں خدمات انجام دینے والے گریڈ 20 کے پولیس افسر دار علی خان خٹک کا تبادلہ کیا گیا اور انہیں سول سرونٹ ایکٹ 1973 کے تحت گلگت بلتستان کا آ ئی جی تعینات کردیا گیا ہے۔