اسلام آباد (مانیٹرنگ ڈیسک /این این آئی)قائد ن لیگ و سابق وزیراعظم نواز شریف نے عمران خان کی گرفتاری معاملے پر اپنا ردعمل دے دیا ہے ۔ سابق وزیراعظم نواز شریف کا کہنا تھا کہ عمران خان کو تو خود گرفتاری دے دینی چاہیے تھی لیکن یہ کام تو بہادر لوگ کرتے ہیں۔
دوسری جانب تحریک انصاف کے چیئرمین عمران خان کی گرفتاری کے لئے عدالتی وارنٹ کی تعمیل کرانے کیلئے آنے والے اسلام آباد پولیس کے ڈی آئی جی شہزاد بخاری بھی کارکنان کے پتھرائو سے شدید زخمی ہوگئے ۔ اسلام آباد پولیس کے ڈی آئی جی شہزاد بخاری اپنے ہمراہ آئے اہلکاروں اور پنجاب پولیس کی نفری کے ہمراہ عمران خان کی رہائشگاہ کے مرکزی دروازے کے پاس پہنچے تو وہاں پر موجود کارکنان نے اندھا دھند پتھرائو کر دیا جس سے ڈی آئی جی شہزاد بخاری پتھر لگنے سے شدید زخمی ہو گئے ۔ کارکنان کی جانب سے پتھرائو اتنا شدید تھاکہ پولیس کو پیچھے ہٹنا پڑا ۔ پتھر لگنے سے دیگر کئی اہلکار بھی زخمی ہوئے ۔ زخمی ہونے والے ڈی آئی جی اسلام آباد پولیس اور دیگر اہلکاروں کو طبی امداد کے لئے ہسپتال منتقل کر دیا گیا ۔
