لندن( این این آئی) انگلش کرکٹ ٹیم کے کپتان بین اسٹوکس کا کپڑوں سے بھرا بیگ چوری ہو گیا۔غیر ملکی میڈیا رپورٹس کے مطابق انگلش رگبی ٹیم کا فرانس کے خلاف میچ دیکھنے کے لیے کانٹی کمبریا میں واقعہ اپنے گھر سے لندن کے سفر کے دوران کنگز کراس اسٹیشن پر بین اسٹوکس کاکپڑوں سے بھرا بیگ چوری ہو گیا۔بین اسٹوکس نے سفر کے دوران اپنا بیگ چوری ہونے کی اطلاع سوشل میڈیا پر دی۔سوشل میڈیا پر بیان جاری کرتے ہوئے بین اسٹوکس نے برہمی کا اظہار کرتے ہوئے لکھا کہ کنگس کراس ریلوے اسٹیشن پر جس نے میرا بیگ چوری کیا، میں امید کرتا ہوں کہ میرے کپڑے آپ کے لیے بہت بڑے ہوں گے۔