اسلام آباد (این این آئی) نیپرا نے برآمدی شعبے کیلئے بجلی12.13روپے فی یونٹ مہنگی کرنے کی منظوری دیدی۔تفصیلات کے مطابق حکومت کی جانب سے آئی ایم ایف کی شرائط پرعمل درآمد جاری ہے، نیپرانے برآمدی شعبے کیلئے بجلی12.13روپے فی یونٹ مہنگی کرنے کی منظوری دیدی۔

کسانوں کیلئے بجلی3.60روپے فی یونٹ مہنگی کرنے کی منظوری بھی دی گئی ہے۔ برآمدی شعبے اور کسانوں کیلئے بجلی پر65ارب روپے کی سبسڈی ختم کردی گئی ہے۔نیپرا نے نوٹیفکیشن کیلئے معاملہ وفاقی حکومت کو بھجوادیا ہے۔نیپرا نے اپنے فیصلے میں کہا ہے کہ سبسڈی دینے اور ختم کرنے کا اختیار وفاقی حکومت کا ہے،برآمدی شعبے،کسانوں کیلئے بجلی پر سبسڈی ختم کرنے پر کوئی اعتراض نہیں۔برآمدی شعبے کیلئے بجلی کی19.99روپے فی یونٹ کے رعایتی نرخ پر فراہمی ختم ہوگئی ہے، زرعی صارفین کواب بجلی13روپے کی بجائے16.60روپے فی یونٹ ملے گی۔کسان پیکیج کے تحت زرعی صارفین کیلئے بجلی پر3.60روپے فی یونٹ سبسڈی واپس لے لی گئی ہے۔  حکومت کی جانب سے آئی ایم ایف کی شرائط پرعمل درآمد جاری ہے، نیپرانے برآمدی شعبے کیلئے بجلی12.13روپے فی یونٹ مہنگی کرنے کی منظوری دیدی۔کسانوں کیلئے بجلی3.60روپے فی یونٹ مہنگی کرنے کی منظوری بھی دی گئی ہے۔

موضوعات:بجلی