لاہو ر(این این آئی) پاکستان تحریک انصاف نے عدلیہ بچاؤ تحریک کے حوالے سے پاکستان کی تمام بارز کے صدوراور وکلاء سے رابطوں کا فیصلہ کر لیا۔ذرائع کے مطابق عدلیہ بچاؤ تحریک شروع کرنے کے لیے پارٹی کے سینئر رہنماؤں پر مشتمل مختلف وفود بھی تشکیل دئیے جائیں گے، تحریک انصاف کے وفود پاکستان بھر کی بار سے ملاقاتیں کریں گے۔عدلیہ بچاؤ تحریک کے لیے مختلف بارز میں مرحلہ وار احتجاج کیا جائے گا، پی ٹی آئی کے چیئرمین عمران خان عدلیہ بچاؤ تحریک میں مختلف بارز سے خطاب بھی کریں گے، عدلیہ بچاؤ تحریک میں سول سوسائٹی کو بھی شامل کیا جائے گا۔