ابوظہبی (این این آئی )متحدہ عرب امارات میں رمضان سے 2 ہفتہ قبل ہی شہریوں کے لیے بڑی بچت کا اعلان کردیا گیا۔عرب میڈیا کے مطابق سپر مارکیٹس کی جانب سے کھانے پینے اور دیگر ضروری اشیا پر 75 فیصد تک رعایت دینے کا اعلان کیا گیا ہے۔رپورٹس کے مطابق رمضان المبارک کے حوالے سے 10 ہزارسے زائد اشیا پر رعایت دی جائے گی۔عرب میڈیا کے مطابق متحدہ عرب امارات کی تمام سپر اور ہائپر مارکیٹوں میں شہری مختلف ڈیلز اور رعایتوں سے فائدہ اٹھا سکیں گے۔رپورٹس کے مطابق شہری ڈسکاونٹس اور ڈیلز سے آن لائن بھی مستفید ہوسکتے ہیں۔