لاہو ر(این این آئی) ایچ بی ایل پاکستان سپر لیگ(پی ایس ایل)8کے ٹاپ بولر اوربیٹر کا اعزاز اب تک ملتان سلطانز کے کھلاڑیوں کے پاس ہے۔ملتان سلطانز کے نوجوان فاسٹ بولر احسان اللہ نے لاہور قلندرز کے شاہین آفریدی،حارث رف، اسلام آباد یونائیٹڈ کے حسن علی، شاداب جبکہ کوئٹہ کے محمد حسنین سب کو پیچھے چھوڑ دیا۔احسان اللہ نے پی ایس ایل 8 میں اب تک 6 میچز میں 14 شکار کرکے سب سے زیادہ وکٹوں کے ساتھ فضل محمود کیپ پر قبضہ جما لیا ہے۔ان کی بہترین بولنگ، 12 رنز کے عوض 5 وکٹیں ہیں۔اسی طرح بیٹرز اور وکٹ کیپنگ میں بھی ملتان سلطانز کے محمد رضوان کا پہلا نمبر ہے۔ وہ 6 میچز میں 358 رنز کے ساتھ پہلے نمبر پر رہتے ہوئے حنیف محمد کیپ پر قابض ہیں۔محمد رضوان 7 کیچز کے ساتھ فیلڈنگ میں بھی سب سے آگے ہیں۔