بار کھان (این این آئی)بلوچستان کے ضلع بارکھان کے علاقے رکھنی بازار میں دھماکا ہوا جس کے نتیجے میں 4 افراد جاں بحق اور 12 زخمی ہوگئے ، صدر مملکت عارف علوی ، وزیر اعظم شہباز شریف ، وزرائے اعلیٰ ، وفاقی وزراء نے دھماکے کی مذمت کرتے ہوئے واضح کیا ہے کہ دہشت گرد سزا سے بچ نہیں سکیں گے ،ناحق خون بہانے والوں کو عبرت کی مثال بنائیں گے۔
لیویز کنٹرول روم بارکھان حبیب اللہ نے تصدیق کی کہ دھماکے کے نتیجے میں 4 افراد جاں بحق اور 12 افراد زخمی ہوگئے ہیں۔ایس ایس پی بارکھان نجیب پندرانی نے ہلاکتوں کی تصدیق کرتے ہوئے بتایا کہ زخمیوں کو قریبی ہسپتال منتقل کر دیا گیا ۔ڈی سی بارکھان عبداللہ کھوسہ کے مطابق دھماکا خیز مواد آئی ای ڈی کے ذریعے موٹرسائیکل پر نصب کیا گیا تھا جس پر 2 افراد سوار تھے۔عبداللہ کھوسہ کے مطابق دھماکے کے بعد زخمیوں کو رکھنی ہسپتال منتقل کر دیاگیاجبکہ پولیس نے موقع پر پہنچ کر علاقے کو گھیرے میں لے لیا۔ صدر مملکت ڈاکٹر عارف علوی نے بلوچستان کے علاقے بارکھان میں دھماکے کی شدید الفاظ میں مذمت کرتے ہوئے دھماکے میں قیمتی جانی نقصان پر اظہارِ افسوس کیا ۔صدر مملکت نے شہداء کے لواحقین سے اظہار تعزیت، شہداء کیلئے بلندی درجات کی دعا کی ۔صدر مملکت نے دہشت گردوں کے مکمل خاتمے کیلئے کوششیں تیز کرنے کی ضرورت پر زور دیا ۔صدر مملکت نے زخمیوں کی جلد صحتیابی کیلئے بھی دعا کی ۔وزیراعظم شہبازشریف نے بارکھان کے علاقے رکھنی بازار میں دھماکے کی مذمت کرتے ہوئے قیمتی جانوں کے نقصان پر دکھ اور افسوس کا اظہار، اہل خانہ سے ہمدردی کیا اظہار کیا ۔وزیراعظم نے وزیراعلیٰ اور آئی جی پولیس بلوچستان سے رپورٹ طلب کرتے ہوئے زخمیوں کو بہترین طبی سہولیات فراہم کرنے کی ہدایت کی ۔ وزیراعظم نے واضح کیا کہ دہشت گرد سزا سے بچ نہیں سکیں گے ،ناحق خون بہانے والوں کو عبرت کی مثال بنائیں گے ۔وزیراعظم نے جاں بحق افراد کی مغفرت، اہل خانہ کے لئے صبر اور زخمیوں کی جلد صحت یابی کی دعا کی ۔
وزیراعلیٰ بلوچستان میر عبدالقدوس بزنجو نے دھماکے کی مذمت اور قیمتی جانوں کے ضیاع پر دلی رنج و غم کا اظہار کیا ہے۔انہوں نے کہا کہ بے گناہ اور معصوم لوگوں کا خون بہانے والے انسانیت کے دشمن ہیں، دہشت گرد اپنے مذموم مقاصد کے حصول کے لیے بدامنی پیدا کر رہے ہیں، ملک دشمن عناصر کے عزائم کو کامیاب نہیں ہونے دیا جائے گا، دہشت گردی کے خلاف مزید مؤثر حکمت عملی اپنائی جائے گی۔
میر عبدالقدوس بزنجو نے محکمہ داخلہ اور پولیس کو دہشت گردی کے حالیہ واقعات کے تناظر میں سیکیورٹی پلان کا ازسر نو جائزہ لینے کی ہدایت کرتے ہوئے کہا کہ عوام کی جان و مال کا تحفظ اور دیرپا امن کا قیام ہر صورت یقینی بنایا جائے۔انہوں نے ہدایت دی کہ دھماکے کے زخمیوں کو علاج کی بہترین سہولیات فراہم کی جائیںاسپیکر قومی اسمبلی راجہ پرویز اشرف اور ڈپٹی اسپیکر زاہد اکرم درانی نے
بلوچستان کے ضلع بارکھان میں دھماکے کی مذمت کرتے ہوئے دھماکے کے نتیجے میں انسانی جانی نقصان پر گہرے دکھ اور افسوس کا اظہار کیا ۔اسپیکر اور ڈپٹی اسپیکر نے متاثرہ خاندانوں سے دلی ہمدردی کا اظہار اور زخمیوں کی جلد صحتیابی کے لیے دعا کی ۔ اسپیکر و ڈپٹی اسپیکر قومی اسمبلی نے اللہ تعالیٰ سے واقعہ میں شہید ہونے والے افراد کے درجات کی بلندی اور سوگوار خاندانوں کو اس ناقابل تلافی نقصان کو
برداشت کرنے کے لیے صبر جمیل عطاء فرمانے کی دعا کی ۔چیئرمین سینیٹ محمد صادق سنجرانی نے بارکھان بلوچستان میں ہونے والے دھماکہ کی شدید الفاظ میں مذمت کی ہے۔ اپنے بیان میں چیئرمین سینیٹ نے کہا کہ اس طرح کی بزدلانہ تخریبی کارروائیوں سے ملک اور بالخصوص بلوچستان کے امن کو نقصان پہنچانے کی ہر کوشش ناکام ہوگی۔انہوں نے کہا کہ دہشت گرد اپنے مذموم مقاصد میں کبھی بھی کامیاب نہیں ہوں گے۔
دہشت گرد پوری انسانیت کے دشمن ہیں۔ چیئرمین سینیٹ نے دھماکہ میں شہدا کے سوگوار خاندانوں سے دلی ہمدردی کا اظہار کرتے ہوئے اللہ تعالیٰ سے شہدا کے درجات کی بلندی کی دعا کی۔ ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینٹر اسحاق ڈار اور قائد حزب اختلاف سینیٹ سینیٹر ڈاکٹر شہزاد وسیم نے بارکھان بلوچستان میں ہونے والے دھماکہ کی شدید مذمت کی
اور شہدا کی بلندی درجات کی دعا کی اور لواحقین سے ہمدردی کا اظہار کیا۔ دریں اثنائوفاقی وزیر داخلہ رانا ثناء اللہ خان نے بارکھان، بلوچستان کے علاقے رکھنی میں دھماکے کی شدید مذمت کی اور دھماکے میں قیمتی جانوں کے ضیاع پر گہرے دکھ اورغم کااظہار کیا ۔وزیر داخلہ نے شہدا کے لواحقین سے تعزیت کا اظہار کیا ۔وزیر داخلہ نے دھماکے کی رپورٹ طلب کر لی۔
وزیر داخلہ نے کہاکہ دہشت گرد بلوچستان میں امن اور ترقی کے دشمن ہیں،دہشتگرداپنے مذموم مقاصد میں کبھی کامیاب نہیں ہونگے۔انہوںنے کہاکہ اللہ تعالیٰ دہشت گرد حملے میں شہید ہونے والوں کے درجات بلند کریاور انکے لواحقین کو صبر جمیل عطاکرے۔وزیر داخلہ نے زخمیوں کی جلد صحتیابی کیلئے دعا کی ۔ دریں اثناء پاکستان پیپلز پارٹی کے چیئرمین و وزیر خارجہ بلاول بھٹو زرداری نے
بلوچستان کے ضلع بارکھان میں دہشتگرد دہماکے کی شدید مذمت کی ہے۔ میڈیا سیل بلاول ہاوَس کی جانب سے جاری کردہ بیان کے مطابق، پی پی پی چیئرمین نے رکھنی بازار میں پیش آنے والے قابلِ مذمت واقعہ پر اپنے ردعمل میں کہا کہ پاکستان معصوم شہریوں کو نشانہ بنانے والوں کی بیخ کنی کے لیے پرعزم ہے۔ انہوں نے مزید کہا کہ دہشتگردوں کا کوئی مذہب یا قوم نہیں ہوتی،
وہ انسانوں کی شکل میں سفاک درندے ہیں۔ چیئرمین بلاول بھٹو زرداری نے واقعے میں شہید ہونے والے شہریوں کے لواحقین سے دلی تعزیت و یکجہتی کا اظہار اور زخمیوں کی جلد صحتیابی کی دعا کی ہے۔سابق صدر آصف علی زرداری نے بارکھان میں دہشتگردی کی مذمت کرتے ہوئے کہاکہ دہشتگردی میں ملوث عناصر ناقابل معافی ہیں۔ انہوںنے کہاکہ وفاقی اور صوبائی حکومت دہشتگردی میں
ملوث تمام مجرموں کو انصاف کے کٹہرے میں لائے ۔ آصف علی زرداری نے دہشتگردی میں شہید افراد کے لواحقین سے ہمدردی اور تعزیت کا اظہار کیا ۔سابق صدر آصف علی زرداری نے زخمیوں کی جلد صحتیابی کیلئے دعا کی ۔سیکرٹری جنرل پیپلز پارٹی سید نیر بخاری نے بارکھان میں دہشتگردی کی مذمت کی ۔ انہوںنے کہاکہ کہاکہ پیپلز پارٹی محصوم شہریوں پر حملہ آوری کی شدید مذمت کرتی ہے ۔
نیئر حسین بخاری نے کہاکہ دہشتگرانہ ذہنیت خاتمے کیلئے نظر آنے والی کاروائیاں اشد ضروری ہیں۔ انہوںنے کہاکہ ملک و ملت دشمن کسی رعایت کے مستحق نہیں۔ انہوںنے کہاکہ انسانیت دشمن دہشتگردوں کے سہولت کاروں کو دھونڈ نکال۔کر نشان عبرت بنایا جائے ۔نیر بخاری نے شہید شہریوں کے لواحقین سے ہمدردی اور تعزیت کا اظہار اور زخمیوں کی جلد صحتیابی کیلئے دعا کی ۔
