اسلام آباد (مانیٹرنگڈیسک)ترکیہ میں لائیور رپورٹنگ چھوڑ کر صحافی بچی کو ریسکیو کرنے دوڑ پڑا اور مناظر براہ راست ٹی وی پر دیکھے گئے۔نجی ٹی وی جیو کے مطابق جھٹکوں کے باعث عمارت گرجاتی ہے اور اس دوران وہ چیخوں کی آوازیں آنے پر رپورٹنگ چھوڑ کر

عمارت کی طرف دوڑ لگا دیتے ہیں۔رپورٹر عمارت گرنے کے مقام پر پہنچ کر والدہ کے ساتھ باہر نکل آنے والی ننھی بچی کو اٹھا کر محفوظ مقام پر منتقل کرتے ہیں اور وہاں سے دیگر افراد کو بھی ریسکیو کرتے ہیں۔ ویڈیو مناظر میں دیکھا جاسکتا ہے کہ رپورٹر روتی ہوئی بچی کو دلاسہ دیتا ہے اور ہر ممکن مدد کا یقین دلاتا ہے۔اس دوران رپورٹر کے ساتھ کیمرا مین نے بھی بھاگتے ہوئے سارے مناظر فلمبند کیے جو ٹی وی پر براہ راست نشر ہوئے۔واقعے کی ویڈیو سوشل میڈیا پر تیزی سے وائرل ہو رہی ہے۔خیال رہے کہ ترکیہ اور شام میں  زلزلے سے متعدد عمارتیں زمین بوس ہوئیں جس کے باعث مجموعی طور پر ترکیہ اور شام میں زلزلے سے ہلاکتوں کی تعداد 4 ہزار 300 سے بڑھ گئی ہیں ہوگئی زلزلے کے بعد سے اب تک 120 سے زائد آفٹر شاکس آچکے ہیں اور 9733 افراد زخمی ہی جبکہ 3471 عمارتیں تباہ ہوگئیں۔