لاہور( این این آئی)پاکستان تحریک انصاف نے پارٹی چیئرمین عمران خان کی رہائشگاہ زمان پارک کے لئے سکیورٹی پلان تیار کر لیا ،100افراد پر مشتمل سپیشل فورس ہر وقت زمان پارک کے باہر تعینات رہے گی۔ پی ٹی آئی لاہور کے صدر شیخ امتیاز محمودنے تمام ا سٹیک ہولڈر اور پارٹی رہنماں پر مشتمل ٹیمیں تشکیل دیں،پارٹی کے تمام ونگز کو ذمہ داریاں سونپ کر سکیورٹی پر مامور ورکرز کے لیے زمان پارک کے اردگرد کیمپس لگادئیے گئے۔پاکستان تحریک انصاف لاہور نے 100 لوگوں پر مشتمل ایک سپیشل فورس بھی تیار کرلی ہے جو ہر وقت زمان پارک کے باہر موجود رہے گی۔لاہور کے صدر شیخ امتیازمحمود اور جنرل سیکرٹری زبیر خان نیازی نے کہا کہ تحریک انصاف کا ہر ورکر عمران خان کی حفاظت کیلئے ہر وقت زمان پارک کے باہر موجود ہوگا۔

موضوعات:سکیورٹی پلان