کھٹمنڈو(این این آئی)نیپال میں ہونے والے طیارہ حادثے کی تفصیلات سامنے آنے کا سلسلہ جاری ہے۔غیر ملکی میڈیا کے مطابق حادثے میں مرنے والوں میں نیپال کی 24سالہ فلائٹ اٹینڈنٹ اوشن شامل تھی ۔ اوشن کے والد کا کہنا ہے کہ حادثے والے دن تہوار کے موقع پر بیٹی کو کہا کہ آج کام پر مت جائو۔مرنے والی فلائٹ اٹینڈنٹ کے والد نے بتایا کہ بیٹی نے میر ی بات پر جواب دیا کہ وہ 2 فلائٹس مکمل کرکے واپس گھر آکر تہوار منائے گی۔واضح رہے کہ دارالحکومت کٹھمنڈو سے نیپالی شہر پوکھارا جانے والے طیارے میں عملے سمیت 72 افراد سوار تھے، جن میں سے 68 افراد کے ہلاکت کی تصدیق گزشتہ روز ہوگئی تھی جس کے بعد اندھیرا ہونے کے باعث امدادی کارروائیاں روک دی گئی تھیں۔