پشاور (این این آئی)عوامی نیشنل پارٹی (اے این پی) خیبر پختونخوا کے صدر ایمل ولی خان نے کہا ہے کہ تبدیلی سرکار کی بدولت آج صوبہ 987 ارب سے زائد کا مقروض ہے۔پشاور سے جاری بیان میں ایمل ولی خان نے کہا کہ صوبائی حکومت نے کل عدم اعتماد لانے کیلئے منتیں کیں۔انہوں نے کہا کہ تبدیلی سرکار سے آج صوبے کے عوام کو نجات مل جائے گی۔اے این پی کے صوبائی صدر نے کہا کہ عوامی مینڈیٹ چوری کے نتیجے میں آنے والوں کو برداشت نہیں کریں گے، اپنی اہمیت کا اندازہ ہو جائے گا جب ان کے تخت اور کرسیاں نہیں رہیں گی۔انہوںنے کہاکہ پی ٹی آئی نے 10 سال تک خیبر پختونخوا کو عمران کیلئے استعمال کیا اس سے قبل ہماری حکومت نے 2013 میں صوبے کے گردشی قرضے کو ختم کیا تھا۔ایمل ولی خان نے کہا کہ ہم نے اپنے دور حکومت میں قرض کو 97 ارب تک محدود کردیا تھا تاہم تبدیلی سرکار کی بدولت آج صوبہ 987 ارب سے زیادہ کا مقروض ہے۔