کراچی ( این این آئی) پاکستان کے ساتھ ٹیسٹ اور ون ڈے سیریز کھیلنے کے بعد نیوزی لینڈ کرکٹ ٹیم کے 2کھلاڑی اور 2کوچز کراچی سے وطن واپس روانہ ہوگئے۔ون ڈے اسکواڈ کے کھلاڑی کین ولیمسن اور ٹِم ساوتھی جبکہ کوچ گیری اسٹیڈ اور جورگینسن جمعہ کی شب پولیس کے مخصوص پروٹوکول اور سخت سکیورٹی میں کراچی ایئر پورٹ کے جناح ٹرمینل پہنچے۔نیوزی لینڈ کے کھلاڑی اور کوچز امارات ایئر لائن کی پرواز ای کے 607سے دبئی روانہ ہوئے جہاں سے وہ متبادل پرواز سے اپنے وطن جائیں گے۔گزشتہ روز تیسرے ون ڈے میچ کے بعد نیوزی لینڈ کرکٹ ٹیم نیشنل اسٹیڈیم سے ہوٹل پہنچی توان افراد کی وطن واپسی شیڈول تھی۔واضح رہے کہ نیوزی لینڈ نے پاکستان کے خلاف ون ڈے سیریز دو ایک سے جیتی ہے۔