نئی دہلی(آئی این پی)بھارتی اداکار سلیل انکولا بھارتی ٹیم کی سلیکشن کمیٹی کا حصہ بن گئے،بھارتی کرکٹ بورڈ (بی سی سی آئی)نے آئی سی سی مینز کرکٹ ورلڈکپ سے قبل

نئی سلیکشن کمیٹی کا اعلان کیا تھا جس میں4نئے چہرے شامل کیے گئے ہیں تاہم چیئرمین چیتن شرما ہی رہیں گے،بھارتی میڈیا کے مطابق نئی سلیکشن کمیٹی میں سریدھرن شرتھ، شیو سندر داس، سبروتو بنرجی کے علاوہ سابق میڈیم فاسٹ بولر سلیل انکولا بھی شامل ہیں،سلیل انکولا اور ٹنڈولکر نے نومبر 1989میں ایک ساتھ ٹیسٹ ڈیبیو کیا، دائیں ہاتھ کے گیند باز نے دو وکٹیں لیں لیکن اس کے بعد وہ کوئی ٹیسٹ میچ نہ کھیل سکے، وہ ون ڈے میں بھی ٹنڈولکر کے ساتھ ڈیبیو کرنے والے کھلاڑیوں میں شامل تھے تاہم ہندوستان کیلئے محض 20میچز کھیل سکے،انہوں نے 1998میں 28سال کی عمر میں پیشہ ورانہ کرکٹ سے ریٹائرمنٹ لے لی تھی اور دو دہائیوں سے زائد عرصہ وہ کرکٹ سے دور رہے لیکن سال 2020میں انہوں نے دوبارہ کم بیک کیا اور اب سلیکشن کمیٹی کا حصہ بن گئے ہیں، جو بھارت میں شیڈول ورلڈکپ سے قبل ہوم سیزن کے بقیہ میچز میں اسکواڈ کا اعلان کرے گی۔