اسلام آباد (این این آئی)روس سے تیل کی خریداری معاہدے کی تیاریاں مکمل ہو چکیں،وفد جلد پاکستان کا دورہ کرے گا ۔وزیر مملکت پیٹرولیم مصدق ملک نے پاک روس سستے تیل خریداری معاہدے پر گفتگو کرتے ہوئے کہاکہ روس سے سستے تیل کی خریداری ہوگی
معاہدہ کی تیاری جاری ہے،روس خام تیل میں دنیا کے برابر یا اس بھی زیادہ ڈسکاونٹ دے گا۔ انہوںنے کہاکہ روس کے ساتھ سنجیدہ بات چیت جاری ہے ،روس کا سنیئر ترین وفد پاکستان آرہا ہے،روسی وزیر توانائی وزیر مملکت توانائی سمیت پورا وفد آئیگا۔ مصدق ملک نے کہاکہ ہم پوری کوشش کرینگے ملکی مفاد میں معاملہ طے ہو،ریفائنریز سے بات کرنے کے بعد روس کے سامنے اپنی طلب رکھی۔ انہوںنے کہاکہ معاہدے کی تیاری مکمل ہیقبل از وقت غیر ذمہ دار بات نہیں کر سکتا،ریفائنریز پالیسی میں ڈیوٹی کو سرمایہ کاری سے لنک کر رہے ہیں۔ انہوںنے کہاکہ ریفائنریز کو جو ڈیوٹی کی مد میں بچت ہوگی سرمایہ کاری کرینگے،حکومت ڈیوٹیز کی مد بچت کاباقاعدہ آڈٹ کرے گی۔ انہوںنے کہاکہ جدت اور ریفائنریز اپ گریڈیشن میں پیسے لگیہمارے ملکی مفاد میں ہے،ہماری ریفائنریز بلیک آئل تیار کرتی ہیں جسکی کہیں مارکیٹ ہی نہیں ۔ مصدق ملک نے کہاکہ ہماری ریفائنریز تیس فیصد سے زائد فرنس آئل بنا رہی ہیں،جب ریفائنریز کو اپ گریڈ کرینگے تو پیٹرول ذیزل زیادہ بنائیں گی۔
