پتوکی (این این آئی) پتوکی میں پنجاب حکومت کے کرپٹ افسران غریبوں کو آٹے میں مٹی ملا کر کھلانے لگے،تحصیل پتوکی کے گوداموں میں محکمہ خوراک فوڈ انسپکٹر، اسسٹنٹ فوڈ کنٹرولر اور سپر وائزرز مزدوروں سے گندم میں مٹی اور پانی لگواکرفلور ملوں کو وزن بڑھا کرگندم کا کوٹہ دینے لگے۔تحصیل پتوکی کے گندم کے گوداموں
میں کروڑوں کی کرپشن کا انکشاف ہوا ہے میڈیا ٹیم نے اپنی محنت سے اس کرپشن کا کھوج لگایا ہے یہ ملاوٹ کے مکروہ دھندہ نے پنجاب حکومت کے افسران کی کارکردگی کا پول کھول دیا ہے یہ مکروہ دھندہ ایک عرصہ سے جاری، ساری ہے کوئی پوچھنے والا نہیں۔مزدورں نے کہاکہ ملاوٹ شدہ گندم ٹرک روزانہ کی بنیاد پر پانچ سے سات ٹرک لوڈ ہوکر ملوں کو روانہ کئے جاتے ہیں،پتوکی کے علاقہ سرائے مغل بیدیاں گندم گودام میں وزن بڑھانے کیلئے گندم میں مٹی اور پانی کی ملاوٹ کے بعد موصول شدہ گندم کو بیچ کر جیبیں گرم کرلی جاتی ہیں اورضلع قصور کے افسران کو انکا حصہ بھی پہنچا دیا جاتا ہے اور وزیر اعلیٰ،چیف سیکرٹری سمیت دیگر کو محکمہ فوڈ افسران،اسسٹنٹ فوڈ کنٹرولر کی جانب سے سب اچھا کی رپورٹ کردی جاتی ہے۔پتوکی کے گندم گودام میں وزن بڑھانے کے لیے مزدوروں سے گندم میں مٹی اور پانی کی ملاوٹ کروائی جاتی ہے جسکی ویڈیو سوشل میڈیا پر وائرل ہوچکی ہے،اطلاع ملنے اور ملاوٹ کی فوٹیج سامنے آنے کے باوجود ڈسٹرکٹ قصور افسران نے خاموشی اختیار کرلی،جبکہ فوڈ انسپکٹر ناصر اور،سپروائزر فیاض نے کوریج کرنے پر میڈیا نمائندوں کو دھمکیاں دیں،کرپشن میں ملوث اے ایف سی راشد خان اور سپر وائزر عرفان کی دیدہ دلیری ڈی سی قصور اور ڈی ایف سی ھمارا کچھ نہیں بگاڑسکتے،محکمہ فوڈ،اسسٹنٹ فوڈ کنٹرولر،تحصیل پتوکی محکمہ فود کنٹرولر نے میڈیا کو اپنا بیان دینے سے انکار کردیا۔
شہریوں نے وزیر اعلیٰ پنجاب چوہدری پرویز الہٰی،چیف سیکرٹری پنجاب سے مطالبہ کیا ہے کہ گندم میں مٹی ملانے میں ملوث افسران کو فوری نوکریوں سے برخاست کرکے انکو جیلوں میں ڈالا جائے اور انکو کسی بھی قسم کی سیاسی رعایت نہ دی جائے۔
