اسلام آباد (مانیٹرنگ ڈیسک/این این آئی )پاکستان کرکٹ ٹیم کا مایہ ناز نام محمد یوسف کو کون نہیں جانتا ان کا بنایا ہوا ریکارڈ ابھی تک کوئی کھلاڑی نہیں توڑ سکا ہے ۔ تفصیلات کے مطابق محمد یوسف پاکستانی بیٹنگ کا ایسا نام ہے جن کے دفاع میں بائولر تک کانپ جایا کرتے تھے ۔

محمد یوسف ایسے بلے باز تھے جن کا بہترین انداز کرکٹ ہر کوئی نقل کرنے کی کوشش کرتا رہا ہے ۔ پاکستانی لیجنڈ ری کرکٹر محمد یوسف کا ٹیسٹ کرکٹ میں ابھی بھی آسمان کو چھوتا ورلڈ آج تک کوئی بلے باز نہیں توڑ سکا ہے ۔ انہوں نے 2006 میں صرف 19اننگز میں 1788رنز کا ورلڈ ریکارڈ بنایا تھا جو آج تک کوئی دوسرا کھلاڑی نہیں توڑ سکا ہے ۔ دوسری جانب راولپنڈی پچ پر ہر جانب سے تنقید کے بعد ملتان ٹیسٹ کے لئے بچ تیار کرنے کی ذمہ داری قومی کرکٹ ٹیم کے بیٹنگ کوچ محمد یوسف کو مل گئی ۔پاکستان اور انگلینڈ کے مابین دوسرا ٹیسٹ 9 سے ملتان میں کھیلا جائے گا، شیڈول دوسرے ٹیسٹ کی ٹکٹوں کی فروخت ہونا شروع ہوگئی ۔راولپنڈی کی انتہائی بیجان پچ پر تنقید کے بعد ملتان کی پچ کو سپورٹنگ بنانے کی تیاریاں کی جارہی ہیں۔16 سال بعد ملتان میں کھیلے جارہے انٹر نیشنل ٹیسٹ میچ کو فیصلہ کن بنانے کے لئے سپورٹنگ پچ تیار کی جائے گی۔قومی کرکٹ ٹیم کے بیٹنگ کوچ محمد یوسف ہیڈ کوچ ثقلین مشتاق کی ہدایت پر ٹیم چھوڑ کر ملتان پہنچ گئے ہیں۔محمد یوسف ہی کی نگرانی میں ملتان میں شیڈول میچ کی پچ تیار کی جائے گی۔