اسلام آباد(این این آئی)وفاقی وزیرِ داخلہ رانا ثناء اللہ نے کہا ہے کہ عدم اعتماد کا پل عبور کرنے دیں، پھر پی ڈی ایم قیادت دوسرے آپشنز پر غور کرے گی، پرویز الہٰی خود کہتے ہیں 90فیصد ارکان اسمبلی توڑنے کے حق میں نہیں۔نجی ٹی وی سے گفتگو کے

دوران سیاسی صورتحال پر بات کرتے ہوئے راناثناء اللہ نے کہاکہ اسلام آباد میں آج کابینہ میٹنگ ہے، ہم بذریعہ ویڈیو لنک شامل ہو رہے ہیں۔وفاقی وزیر نے کہا ہے کہ پی ٹی آئی قیادت کو ہوش کے ناخن لینے چاہئیں، کسی پاگل اور ضدی کے پیچھے لگ کر ملک کو کسی حادثے کا شکار نہیں کرنا چاہیے۔انہوں نے کہا کہ پاکستان کو سیاسی اور معاشی عدم استحکام کی نذر نہیں کیا جائے گا۔رانا ثناء اللہ نے کہاکہ فواد چوہدری صاحب آپ کے گھر کے حالات کافی خراب ہیں، آپ اپنے گھر کی خبر لیں، اپنی منجی تھلے ڈانگ پھیریں۔انہوں نے کہا کہ عمران خان فتنہ ہے، اسے روکنا پوری قوم کا کام ہے۔وزیرداخلہ نے مسلم لیگ(ن)کے بانی رہنماسے متعلق بات کرتے ہوئے کہاکہ نواز شریف کی واپسی کی تاریخ نہیں دے سکتا لیکن وہ واپس ضرور آئیں گے۔