لاہور (این این آئی) تحریک انصاف کے رہنما شہباز گل کے خلاف ایک اور مقدمہ درج کر لیا گیا ۔پی ٹی آئی رہنما کیخلاف لاہور کے نواحی علاقے مانگا منڈی کے تھانے میں مقدمہ محمد اشفاق نامی شہری کی مدعیت میں زیر دفعہ 131،153، 500اور 505ت پ کے تحت درج کیا گیا۔مدعی مقدمے نے ویڈیو بیان کے ذریعے عوام کو اداروں کے خلاف اکسانے کے الزام میں ایف آئی آر درج کروائی۔مدعی مقدمہ کے مطابق شہباز گل نے عوام کو اداروں کے خلاف اکسایا،شہباز گل کی تقریر سے نقص امن کا خطرہ بڑھا۔ خیال رہے کہ شہباز گل کے خلاف اس سے قبل کراچی میں بھی مزید 2مقدمات درج کیے گئے ہیں جبکہ پی ٹی آئی رہنما شہباز گل کو بلوچستان میں درج مقدمے میں بھی پولیس نے طلب کر رکھا ہے۔