راولپنڈی (آئی این پی)حقیقی آزادی مارچ کی سیکیورٹی پر10ہزار پولیس اہلکارتعیناتکیا گیا تھا جبکہ صورتحال کی فضائی نگرانی بھی کی گئی،تفصیلات کے مطابق تحریک انصاف کے جلسے اور مارچ سے متعلق راولپنڈی پولیس نے سیکیورٹی کے سخت انتظامات کیے تھے۔

حقیقی آزادی مارچ کی سیکورٹی پر10ہزار پولیس اہلکار تعینات ر ہے،جلسہ گاہ کوچاروں اطراف سے رکاوٹیں لگاکرسیل کردیا گیا تھا ، واک تھروگیٹ کے ذریعے داخلے کی اجازت تھی،پنڈال میں داخلے سے قبل شرکا کی جامہ تلاشی لیگئی جبکہ عمران خان کے لئے بلٹ پروف لفٹ تیار کی گئی تھی اور متبادل کے طور ریمپ بھی لگایا گیا تھا،سی پی او،ایس ایس پی آپریشنز وسیم ریاض سیکیورٹی انتظامات کی نگرانی کر تے رہے جبکہ 10ہزار کے قریب افسران و اہلکار سیکیورٹی و ٹریفک فرائض انجام دیے،ٹریفک انتظامات کے لئے ٹریفک پولیس کے 750افسر و اہلکاروں نے فرائض انجام دیے جبکہ ایلیٹ کے 270سے زائد کمانڈوز سیکیورٹی پر مامور رہے،جلسہ گاہ اورگردونواح میں ایلیٹ کمانڈوزاورڈولفن فورس کی خصوصی ٹیموں کا گشت جاری رہا،200سے زائد چھتوں پر ماہر نشانہ باز تعینات کئے گئے تھے جبکہ 100سے زائدمقدمات پرخصوصی پکٹس پرچیکنگ کیگئی،سی سی ٹی وی کیمروں کے ذریعے بھی مانیٹرنگ کی گئی، سیکورٹی کے حوالے سے تمام ہدایات اور ایس او پیز کو یقینی بنایاگیا تھا۔

موضوعات:آزادی مارچ