عمران خان نے مجھے بھی فون کیا کہا کہ حکومت کے خلاف سازش ہوئی اور میں خط بھیجوں گا، مگر آج تک خط ہم نے نہیں دیکھا۔امیر جماعت اسلامی سراج الحق کا انکشاف

فیصل آباد (این این آئی)امیر جماعت اسلامی سراج الحق نے کہاہے کہ چیئرمین تحریک انصاف عمران خان نے امریکی سازش سے متعلق بتانے کیلئے انہیں بھی فون کیا تھا۔میڈیا سے گفتگو کرتے ہوئے امیر جماعت اسلامی سراج الحق نے کہاکہ 22 کروڑ عوام مایوسی اور ناامیدی کی کیفیت سے گزر رہے ہیں، اندرون سندھ میں غربت اور بلوچستان تباہ حال ہے، آئی ایم ایف اور دوست ممالک کی خیرات پر کام چل رہا ہے۔انہوںنے کہاکہ لوگوں نے پی ٹی آئی اور پی ڈی ایم کو بھی دیکھا، پی ڈی ایم اور پی ٹی آئی اعلانات کے باوجود ملک کو کرپشن سے پاک نہیں کر سکی، ہمیں موقع دیا جائے تو پاکستان کو کرپشن فری ملک بنا سکتے ہیں۔مبینہ امریکی سازش سے متعلق بات کرتے ہوئے سراج الحق کا کہنا تھا عمران خان نے مجھے بھی فون کیا کہا کہ حکومت کے خلاف سازش ہوئی اور میں خط بھیجوں گا، مگر آج تک خط ہم نے نہیں دیکھا۔

موضوعات:سراج الحق