فوڈ اتھارٹی نے بوسیدہ اور زائد المیعاد گوشت اور مکھن سے بھرا چلر ٹرک پکڑ لیا،ڈرائیور گرفتار، اہم انکشافات کی توقع۔

لاہور( این این آئی) پنجاب فوڈ اتھارٹی نے بوسیدہ اور زائد المیاد گوشت اور مکھن سے بھرا چلر ٹرک پکڑ لیا،چلر ٹرک سے 1600 کلو بوسیدہ گوشت، 150 کلوزائد المیعاد مکھن، 20کلو پنیر برآمد کر لیا ،بھبھتیاں چوک پر واقع کولڈ سٹور سے ناقص مال نکال کر سپلائی کرنے کی کوشش کی جا رہی تھی۔ڈی جی فوڈ اتھارٹی مدثر ریاض ملک کے مطابق نیلے رنگ کے بدبودار گوشت کی موجودگی اور ریکارڈ کی عدم دستیابی پائی گئی ۔ٹرک ڈرائیور سے تحقیقات کر کے کولڈ سٹور کے خلاف کارروائی کا آغاز کر دیا گیا ہے۔زائد المیعاد سٹاک کو تازہ اشیا ء کے ساتھ سپلائی یافروخت کرنا دھوکہ دہی اور سنگین جرم ہے۔عوام کی صحت سے کھیلنے والوں کی انڈسٹری میں کوئی جگہ نہیں۔معمولی خلاف ورزیوں پر اصلاح کریں گے، ملاوٹ یا جعلسازی ہرگز برداشت نہیں۔معیاری خوراک کی فراہمی اور اچھی انڈسٹری کے فروغ کیلئے جعلسازی کا خاتمہ بے حد ضروری ہے۔قانون پر عملداری اور اصلاحی مقاصد کو پورا کرنے کیلئے فوڈ بزنس آپریٹرز مکمل تعاون کریں۔

موضوعات:چلر