شادی کا کوئی ارادہ ہے؟جانتے ہیں غیر ملکی صحافی کے
سوال پربلاول بھٹو نے کیا جواب دیا
اسلام آباد ( آن لائن)اقوام متحدہ اجلاس کے لیے نیویار ک میں موجودوزیر خارجہ بلاول بھٹو زرداری کی شادی کے سوال نے ان کا پیچھا وہاں بھی نہیں چھوڑا،ان کی شادی کب ہو گی؟ ان کی دلہن کیسی ہوگی ؟ شادی کا کیا پلان ہے ؟ اس طرح کے کئی سوالات کا انہیں اکثر سامنا کرنا پڑتا ہے۔ کچھ ایسا ہی سوال ایک غیر ملکی صحافی نے بھی اس بار ان سے پوچھ ڈالا۔غیر ملکی میڈیا کی جانب سے شیئر کی گئی ایک ویڈیو میں دیکھا جاسکتا ہے کہ صحافی نے وزیر خارجہ بلاول بھٹو سے سوال کیا کہ میرے پاکستانی دوست پوچھ رہے ہیں کہ کیا آپ کا شادی کا کوئی ارادہ ہے؟جس پر بلاول بھٹو زرداری نے مسکراتے ہوئے دلچسپ انداز میں جواب دیا کہ بالکل، میرا شادی کرنے کا ارادہ ہے۔ بلاول بھٹو کے جواب پر ساتھ موجود افراد بھی ہنس دیئے،بلاول بھٹو اس مختصر جواب کے بعد وہاں سے روانہ ہو گئے اور اپنی شادی کا مکمل پلان نہیں بتایا۔
