لاس اینجلس (این این آئی)امریکی سپر ماڈل بیلا حدید نے انکشاف کیا ہے کہ بچپن میں اسلامی تعلیمات سے دور رہنا ان کی زندگی کا سب سے بڑا پچھتاوا ہے۔
حال ہی میں فلسطینی نژاد امریکی ماڈل و اداکارہ بیلا حدید نے ایک انٹرویو میں اپنی زندگی کے سب سے بڑے پچھتاوے اور نسل پرستی کا نشانہ بننے سے متعلق بات کی ہے۔بیلا حدید نے بتایا کہ بچپن میں والدین کی طلاق کے سبب وہ کیلیفورنیا میں رہیں، انہیں اس دوران اسلامی تعلیم سیکھنے اور اسلامی طرز کی زندگی گزارنے کا موقع نہیں ملا، وہ فلسطین کی ثقافت سے بھی دور رہیں جس کا انہیں پچھتاوا ہے۔انہوں نے ایک عرب طالبہ ہونے کے سبب نسل پرستی کا نشانہ بننے سے متعلق بات کرتے ہوئے کہا مجھے عرب ہونے کی وجہ سے سکول میں نسل پرستانہ نام سے پکارا جاتا تھا۔بیلا حدید نے کہا کہ میں نے سکول میں ساتھی طالبِ علموں کی جانب سے برے رویئے کا بھی سامنا کیا، میں سکول میں خود کو بہت تنہاء اور اداس محسوس کیا کرتی تھی۔
