فیصل آباد (آن لائن) ملک بھر کی صنعتی و تجارتی تنظیموں نے و زیراعظم میاں محمد شہباز شریف کی جانب سے 13 شعبوں پر اعلان کردہ سپر ٹیکس کی مخالفت کرتے ہوئے اسے صنعت وتجارت کیلئے موت کا پھنداقرار دیا اورحکومت سے مطالبہ کیا کہ اس فیصلے کو
واپس لیا جائے,فیصل آباد چیمبر آف کامرس اینڈ انڈسٹری کے صدر عاطف منیر, مرکزی تنظیم تاجران پاکستان کے سرپرست اعلی وصدر انجمن تاجران سٹی فیصل آبادخواجہ شاہد رزاق سکا،نائب صدر حاجی محمد اصغر, جنرل سیکرٹری شیخ سعید احمد اور سینئر رہنما?ں نے وزیر اعظم میاں شہباز شریف کی طرف سے 13 صنعتوں پر 10 فیصدسپر ٹیکس اور آمدنی پر1 سے4 فیصد ایڈیشنل ٹیکس لگانے کو بزنس کمیونٹی کیلئے ملک کی تاریخ کا سیاہ ترین دن قرار دیتے ہوئے حکومت سے مطالبہ کیا کہ اس فیصلے کو واپس لیا جائے بصورت دیگر ملک میں بے روز گاری اور مہنگائی کا طوفان برپا ہوگا،ملک کا چھوٹا تاجر تباہ ہو جائیگااورصنعتکار اپنی اپنی فیکٹریاں بند کرکے انکی چابیاںوزیر اعظم میاںشہباز شریف کے حوالے کرنے پر مجبور ہونگے۔فیصل آبادچیمبر کامرس اینڈ انڈسٹری کے صدر عاطف منیر, مرکزی تنظیم تاجران پاکستان کے سرپرست اعلی وصدر انجمن تاجران سٹی فیصل آبادخواجہ شاہد رزاق سکا,نائب صدر حاجی حاجی محمد اصغر اور دیگر نیحکومت کی طرف سے 15 کروڑ روپے سالانہ آمدنی پرایک فیصد،20 کروڑ روپے پر 2 فیصد، 25 کروڑ روپے پر 3 فیصداور30 کروڑ روپے سالانہ کمانے والوں پر 4 فیصدایڈیشنل ٹیکس عائد کرنے کے اعلان کی بھی شدید مذمت کرتے ہوئے اس حکم نامے کا مقصدصنعت و تجارت کی ترقی کے آگے بند باندھنا ہے اس سے نہ صرف مہنگائی و پیداواری لاگت میں اضافہ ہوگا بلکہ اس فیصلہ سے صنعت و تجارت کیلئے شدید بحران کا خدشہ اور خود حکومت کیلئے مشکلات پیدا کریگا اس لئے صنعتوں پر 10 فیصدسپر ٹیکس اور آمدنی پر1 سے4 فیصد ایڈیشنل ٹیکس واپس لیا جائے۔
