پی ٹی آئی کے منحرف رکن نور عالم خان کا عمران خان کیخلاف آرٹیکل 6 کے تحت کارروائی کا مطالبہ

اسلام آباد (آن لائن)پاکستان تحریک انصاف کے منحرف رکن قومی اسمبلی نور عالم خان نے چیئرمین تحریک انصاف عمران خان کیخلاف آرٹیکل 6 کے تحت کارروائی کا مطالبہ کردیا ہے۔

گزشتہ روز اسپیکر راجہ پرویز اشرف کی زیر صدارت قومی اسمبلی اجلاس میں خطاب کرتے ہوئے نور عالم خان نے عمران خان پر آرٹیکل 6 لگانے کا مطالبہ کیا ہے

اور کہا کہ آرٹیکل 6 نہیں لگائیں گے تو وفاق کے خلاف آواز اٹھتی رہے گی، آئین کو جو پامال کرے اس کے خلاف کارروائی ضرور ہونی چاہیے۔

نور عالم خان نے مزید کہا کہ ایسی کسی بھی قرار داد میں کسی کا نام نہیں ڈالنا چاہیے، اگر کسی نے کوئی ایسی حرکت کی ہے تو اس پر آرٹیکل 6 لگنا چاہیے۔

نور عالم خان نے مزید کہا کہ آج بھی وزیر خزانہ ایوان میں نہیں ہیں، بجلی اور گیس روز مہنگی ہو رہی ہے، اگر آئی ایم ایف کا معاہدہ پچھلی حکومت نے کیا تھا تو یہاں پر لائیں، آٹے کا تھیلا 1600 روپے کا ہوگیا ہے، پیٹرول 210 روپے کا ہوگیا ہے۔