ننکانہ صاحب(این این آئی)لندن میں میاں محمد نواز شریف سے ثاقب برجیس طاہر کی ملاقات۔میاں نواز شریف نے ثاقب برجیس طاہر سے چوہدری محمد برجیس طاہر کی خیریت دریافت کرتے ہوئے ان کیلئے نیک خواہشات اور پارٹی کیلئے عملی طور پر فعال و مؤثر عملی

اقدامات کرنے پر انکی خدمات کو خراج تحسین پیش کیا۔اس موقع پر میاں محمد نواز شریف نے حلقہ این اے117کے مسلم لیگ(ن)کے عہدیداران و کارکنان کے حوالے سے اہم پیغام دیتے ہوئے کہا کہ جس طرح انہوں نے سابقہ ادوار حکومت چاہے وہ آئین شکن ڈکٹیٹر پرویز مشرف ہو یا سلیکٹڈ عمران نیازی کا دور حکومت پارٹی کیساتھ جوانمردی اور ہر ایک رکن نے جس طرح وفاداری نبھائی اس پر تمام لوگوں کا تہہ دل سے مشکور ہیں میاں نواز شریف نے کہا کہ بہت جلد ڈاکٹرز کی اجازت کے بعد وطن واپسی پر اپنے دوسرے گھر سانگلہ ہل میں آکر عوام سے ملاقات اور جلسہ عام سے خطاب کروں گا۔آخر میں میاں محمد نواز شریف نے سانگلہ ہل، شاہکوٹ، واربرٹن، چکوک اور سابقہ، حلقہ انتخاب این اے117کی عوام کو خصوصی محبت اور پیار سے بھرا سلام بھیجتے ہوئے اپنے اور ملک و قوم کیلئے خصوصی دعا کی خواہش کا اظہار کرتے ہوئے کہا کہ انشاء اللہ بفضل خدا گزشتہ دور حکومت میں جسطرح اس علاقے کی ترقی کو نظرانداز کیا گیا اور بنیادی حقوق کی فراہمی سے دور رکھا ان تمام محرومیوں کا ازالہ کرتے ہوئے اس علاقے میں ایک مرتبہ پھر سے ترقی کا سفر جہاں سے جبراً روکا گیا تھا اسکو دوبارہ جلد از جلد مکمل کیا جائے گا۔

موضوعات:نوازشریف