نارووال(این این آئی)وفاقی وزیر منصوبہ بندی و ترقی احسن اقبال نے مسجد نبوی کے احاطہ میں نازیبا نعروں اور ہلڑ بازی کی شدیدمذمت کرتے ہوئے کہا ہے کہ مسجد نبوی وہ مقدس جگہ ہے جہاں پر نبی کریم ﷺموجود ہیںانکی اس جگہ پر جوتقدس ہے اسکا بیان کوئی انسانی زبان نہیں کر سکتی۔ مسجدنبوی سے اپنے ویڈیوپیغام میں احسن اقبال نے کہا کہ

قران مجید میں اللہ تعالیٰ نے صحابہ کرام سے بھی کہا تھا کہ نبی کریم ﷺکے سامنے آواز اونچی نہ کرنا ایسا نہ ہو کہ تمھاری تمام نیکیاں ڈھیر ہو جائیں۔ جو شخص بھی مسجد نبوی میں آتا ہے وہ اللہ تعالیٰٰ کے بلاوے سے آتا ہے،مسجد نبوی میں آنے والا ہر زائر نبی کریم ﷺکا مہمان ہوتا ہے لہذا ہمیں یہاں پر دنیاوی معاملات کو بھلا کر عبادت کرنی ہے، اللہ کے حضور گڑگرانا ہے اور نبی کریمﷺ پر درود وسلام بھیجنا ہے اس جگہ پر آکر کوئی سیاست کرے، ہلڑ بازی کرے یہاں پوری دنیا سے مسلمان زائرین آئے ہوتے ہیںان کے سامنے پاکسانی قوم کے انتشار کامظاہرہ کرے پاکستان کو بدنام کرے نہائت قابل مذمت ہے۔ احسن اقبال نے کہا کہ میں سمجھتا ہوں کہ عمران خان آپ پاکستانی قوم کے اندر کینسر پیدا کر رہے ہیں آپ ایک نفسیاتی مریض ہیںجیسے آپ جنونی ہیں ویسے ہی ااپ اپنے لوگوں کو جنونی بنا کرملک وقوم کی خدمت نہیں کر رہے ۔سیاست کرنی ہے پاکستان کے اندر کریں، خدا کے لیے مکہ و مدینہ کو اپنی سیاست کی آماجگاہ نہ بنایا جائے یہ وہ مقامات ہیں جو ہر مسلمان کے لیے نہایت احترام کی جگہیں ہیں لیکن جس طرح آپ کے لوگ یہاں ہلڑ بازی کر رہے ہیں اس سے نہ اسلام کا نام روشن ہو رہا ہے نہ پاکستان کا نام روشن ہو رہا ہے ۔اگر یہ کینسر جس کا آپ مظاہرہ کر رہے ہیں پھیلتا رہتا تو پاکستان کی ریاست کی جڑیں کھوکھلی کر دیتا۔

موضوعات:احسن اقبال