لاہور(آئی این پی) مسلم لیگ ن کے رہنما عطا تارڑ نے الزام عائد کیا ہے کہ پرویزالہی ایک سے 2لوگوں کوقتل کروانا چاہتے ہیں۔ ہفتہ کو میڈیا سے گفتگو کرتے ہوئے انہوں نے کہا ڈپٹی اسپیکرپربہیمانہ تشددکیاگیا، اطلاعات ہیں پرویزالہی ایک سے 2لوگوں کوقتل کروانا

چاہتے ہیں۔عطا تارڑ کا کہنا تھا کہ ایوان میں آئین کوپامال کیاگیا، چیف جسٹس ہائی کورٹ نوٹس لیں، ہمارے لوگ خاموش کھڑے رہے،ہم نے حملہ نہیں کیا، پرویز الہی اپنے لوگوں کو حملے کرنے کیلئے اشارے کر رہے تھے۔ پرویزالہی انا اور ضد کی وجہ سے دہشت گردی پر اتر آئے ہیں، 15روزمیں یہ لوگ اپنے نمبرز پورے نہیں کرسکے، ہم رات 12 بجے تک یہاں پر موجود ہیں، آج واضح ہوگیاکہ یہ توڑپھوڑکس نے کی تھی۔ پرویزالہی اس کوسیاست رہنیدیں دشمنی میں تبدیل نہ کریں، ڈپٹی اسپیکرپرتشددکرنیوالیاراکین کومستعفی کرنا چاہیے۔عطا تارڑ نے پرویزالہی کو مخاطب کرتے ہوئے کہا پرویزالہی صاحب اس طرح الیکشن لڑے جاتے ہیں نہ جیتے جاتے ہیں، ہمارے ممبر198اور ان کے ممبر167ہیں ، ہم اس خون خرابے سے بچنا چاہتے تھے جو یہ کرانا چاہتے ہیں۔انہوں نے کہا کہ ایک شخص نے اقتدارکی خاطر ہر چیز دائو پر لگا دی ہے، تشدد کرنے والے لوگوں کو ایوان کی کارروائی سے بے دخل کیا جائے۔