اسلام آباد (این این آئی) پاکستان مسلم لیگ (ن) کے مرکزی رہنما خواجہ آصف نے وزیر اعظم عمران خان کی تقریر پر رد عمل کا اظہار کرتے ہوئے کہا ہے کہ جرات کریں بازاروں میں عوام سے مہنگائی کاپوچھیں،سارے بھاؤ بتائیں گے۔ پیر کو ستر کی دہائی کے بعد مہنگائی کے اعدادو شمار شیئر کرتے ہوئے خواجہ آصف نے کہا کہ جرات کریں بازاروں میں عوام سے مہنگاء کاپوچھیں سارے بھاؤ بتائیں گے۔ انہوں نے کہاکہ 97،99 میں اقتصادی پابندیاں قبول کیں،مہنگائی قابومیں رکھی نوازشریف نے وطن کو ایٹمی قوت بنایا،ورنہ آج حالات یوکرائن سے مختلف نہ ہوتے۔ انہوں نے کہاکہ اپنی کنٹینر کی تقریروں کا چارٹ بنائیں اور اپنی4 سالہ پرفارمنس کااس سے موازنہ کریں۔