اسلام آباد (این این آئی) نیب نے ایک مزید نجی ہاؤسنگ سوسائٹی اور ایک نجی کمپنی سے متعلق تنبیہ جاری کر دی ۔نجی ہاوسنگ سوسائٹی ڈی 16 اور ڈی 17، اور الباری گروپ آف کمپنیز کے خلاف خورد برد کی نیب تحقیقات جاری ہیں ۔
نیب نے عوام الناس کو خبردار کرنے کیلئے اشتہار جاری کردئیے،اشتہار نیب تفتیشی افسر ، انویسٹی گیشن ونگ کی جانب سے جاری کیا گیا ۔ نیب اشتہار کے مطابق نیب نجی ہاؤسنگ سوسائٹی ڈی 16 اور ڈی 17 کی انتظامیہ اور انجینئر کے خلاف کرپشن کی تحقیقات کر رہا ہے، دوسری جانب نیب نے ایک نجی کمپنی الباری گروپ آف کمپنیز کے خلاف بھی تحقیقات شروع کر دیں۔ نیب اشتہار کے مطابق سید عاصم رضا و انتظامیہ الباری گروپ آف کمپنیز کے خلاف مختلف غیر قانونی سکیموں کے نام پر عوام سے خطیر رقم بٹورنے پر نیب تحقیقات جاری ہیں۔ نیب تحقیقات کیمطابق عوام الناس، متاثرین کو بذریعہ اشتہار مطلع کیا جاتا ہے کہ اپنی شکایات ڈی جی نیب راولپنڈی کو بھیجیں ۔ نیب کے مطابق عوام اپنی شکایات بمعہ شناختی کارڈ کاپی و دیگر دستاویزات بذریعہ ڈاک اشتہار کے پندرہ روز کے اندر جمع کروائیں تاکہ نیب ملزمان کے خلاف قانونی کاروائی عملی میں لا سکے ۔
