بدوملہی(آن لائن )عمران نیازی کی نا اہل حکومت نے پاکستان کو معاشی دلدل میں دھنس دیا ہے۔ ملک میں ہونے والی بد ترین مہنگائی نے غریب عوام کا جینا دوبھر کر دیا ہے۔ آئے روز اشیاء خورونوش ، پٹرول ، بجلی اور گیس کی قیمتوں میں اضافہ حکومت کی عوام دشمن پالیسیوں کا نتیجہ ہے۔ اسے عوا م سے کوئی سروکار نہیں ۔ ان خیالا ت کا اظہار مسلم لیگ ن کے جنرل سیکرٹری سابق وفاقی وزیر داخلہ
اور رکن قومی اسمبلی پروفیسر احسن اقبال نے سابق چیئرمین رانا محمد عظیم فضل ایڈووکیٹ سے ان کے ڈیرہ ڈھلی پر گفتگو کرتے ہوئے کیا۔ انہوں نے کہا کہ مسلم لیگ ن کے قائداور سابق وزیر اعظم میاں محمد نواز شریف نے اپنے دور ہ حکومتک دوران ملک کو مسائل اور بحرانوں سے نجات دلائی ۔آج موجودہ حکومت نااہل اور نالائق حکمرانوں نے جو آئی ایم ایف سے وعدے کیے ہوئے ہیں اس کی سزا عوام کو دی جا رہی ہے۔ عوام بد ترین مہنگائی کی وجہ سے تنگ آ چکے ہیں۔ عمران نیازی کا یہ کہنا تھا کہ جس ملک میں مہنگائی کا طوفان برپا ہو تو وزیر اعظم کرپٹ ہوتا ہے۔ جو پاکستانیوں میں چندے میں گھپلا کرے وہ کیا نہیں کر سکتا ۔ ساڑھے تین سال سے ہم ان کی احتساب کا سامنا کر رہے ہیں ۔ میاں برادران کے خلاف ہر روز الزامات عائد کرتے رہتے ہیں ۔ عوام دشمن پالیسیوں کی وجہ سے غریب عوام کے چولہے ٹھنڈے پڑ چکے ہیں ۔ جس سے وہ دو وقت کی روٹی کو ترس رہے ہیں اور اب غریب عوام کا حکومت کے ساتھ چلنا ناممکن ہو چکا ہے۔ پروفیسر احسن اقبال نے کہا کہ ساڑھے تین سالوں میں حکومت نے صرف مہنگائی بڑھائی ہے۔ عوام کو سزا دینے والی PTIکی حکومت سے عوام کو نجات دلائیں گے ۔ اسی لیے حکومت کے خلاف عدم اعتماد لانے لیے سیاسی جماعتیں اکٹھی ہو رہی ہیں۔ کیونکہ PTIکی حکومت نے ساڑھے تین سال اپوزیشن پر الزامات لانے میں ضائع کر دیے ہیں۔
مسلم لیگ ن جلد اقتدار میں آ کر عوام کو شدید بحرانوں سے نکالے گی تاکہ عوام خوشحالی کی زندگی بسر کر سکیں ۔ مسلم لیگ ن کو ختم کرنے والے خود ختم ہو جائیں گے۔ مسلم لیگ ن کی عوامی مقبولیت آج بھی قائم ہے۔ جس کے باعث عوام آج بھی موجودہ حکومت کی ناقص پالیسیوں اور عوام دشمنی کے باعث تنگ آ کر مسلم لیگ ن کے دور حکومت کو یاد کر رہے ہیں۔
