نارووال(این این آئی) مسلم لیگ (ن) کے مرکزی سیکرٹری جنرل احسن اقبال نے کہا ہے کہ سٹیٹ بینک کا ترمیمی بل پاکستان کی قومی مالیاتی خود مختاری کو سرنڈر کرنے کا بل ہے ،اپوزیشن نے بھر پور مخالفت کی ،حکومت کے خلاف ٹرانسپرنسی انٹرنیشنل کی رپورٹ نے عمران نیازی کے چہرے سے صادق امین کا میک اپ اتار دیا ہے ،یہ بات ثابت ہو گئی ہے کہ آج دنیا کی کرپٹ ترین پی ٹی آ ئی کی حکومت ہے ۔
نارووال میں میڈیا سے گفتگو کرتے ہوئے انہوں نے کہاعمران نیازی اپنی نالائقی، ناکامی چھپانے کے لئے مسلمانوں کے جذبات سے کھیل رہے ہیں ریاست مدینہ ایک بہت ہی مقدس تصور ہے عمران نیازی کا یہ کہنا کہ ریاست مدینہ میں بھی پہلے 5 سال عوام نے مشکل گزارے حقائق کے منافی ہے ریاست مدینہ جس دن قائم ہوئی اسی دن سے نبی کریم صلی اللہ علیہ وسلم کے ہاتھوں اس کے فضائل و برکات آنا شروع ہو گئے تھے ریاست مدینہ میں پہلے دن سے ہی کوئی بھوکا نہیں سویا تھا ریاست مدینہ میں پہلے دن کوئی جھوٹ۔ بوہتان بازی۔ اور طاقتور کمزور کے حقوق غضب نہیں کرتا تھا ،ریاست مدینہ میں کوئی عدالتوں اور انصاف کے فیصلوں کے ساتھ کھلوڑا نہیں کرتا تھا عمران نیازی کی ریاست کا ریاست مدینہ کے ساتھ دور دور تک کوئی تعلق نہیں ۔احسن اقبال نے کہا کہ سٹیٹ بینک کا ترمیمی بل پاکستان کی قومی مالیاتی خود مختاری کو سرنڈر کرنے کا بل ہے اپوزیشن نے بھر پور مخالفت کی سینٹ اور قومی اسمبلی میں بھی بلڈوز کر کے منظور کروایا اس پر نہ ووٹنگ ہونے دی نہ بحث ہونے دی سینٹ کے اندرچور دروازے کے ذریعے آخری وقت ایجنڈے میں شامل کر کے منظور کروایا گیا لیڈر آف اپوزیشن اورچیئرمین قائمہ کمیٹی فنانس دونوں کو موجود ہونا چاہیے تھا انہیں پہرہ دینا چاہیے تھا دونوں موجود ہوتے تو یہ بل کبھی پاس نہ ہو سکتا تھا۔
انہوں نے کہا کہ جسٹس قاضی فائز عیسی کیس جو معزز سپریم کورٹ کا فیصلہ آیا ہے اسکے بعد وزیر قانون ،وزیراعظم اور صدر مملکت کے پاس کوئی قانونی جواز باقی نہیں رہا کہ وہ اپنے منصب پر بیٹھے رہیں جس مغربی جمہوریت کا درس ہمیں عمران خان دیتے ہیں سپریم کورٹ کا ایسا فیصلہ کسی مغربی جمہوریت میں آیا ہوتا
تو یہ تینوں استعفے دے چکے ہوتے یہ حکومت خوشامدیوں منافع خوروں لٹیروں کی حکومت ہے ۔احسن اقبال نے کہا کہ جو حکومت کے خلاف ٹرانسپرنسی انٹرنیشنل کی رپورٹ آئی ہے عمران نیازی کے چہرے سے صادق امین کا میک اپ اتار دیا ہے یہ بات ثابت ہو گئی ہے کہ آج دنیا کی کرپٹ ترین پی ٹی آ ئی کی حکومت ہے کیونکہ 1 سال کے اندر کوئی بھی حکومت16درجے کرپشن انڈیکس پر نہیں گری عمران نیازی حکومت نے ورلڈ ریکارڈ بنایا ہے
جن کی چوری ٹرانسپرنسی انٹرنیشنل، الیکشن کمیشن نے بھی پکڑی آج دوسروں پر انگلیاں اٹھا رہے ہیں اپنے گریبان میں جھانکنا چاہیے قوم عمران نیازی سے فارن فنڈنگ ، غیر ملکی تحفوں کا حساب مانگ رہی ہے رسیدیں مانگ رہی ہے قوم عمران خان سے انکم ٹیکس کا حساب مانگ رہی ہے تین سالوں میں سوا لاکھ سے ا کروڑ کیسے ہو اس کا کوئی جواب نہیںہے جو شخص تحفوں فارن فنڈنگ کا حساب نہ دے سکے وہ کیسے صادق امین ہوسکتا ہے۔
