عارف والا (این این آئی)عارف والا میں کرکٹ میچ کے دوران ہونے والے جھگڑے پر بارہویں جماعت کے طالب علم کو والد کے سامنے قتل کر دیا گیا۔پولیس کے مطابق کرکٹ میچ کے دوران ہونے

والے جھگڑے میں فائرنگ سے زخمی ہونے والا سیکنڈ ائیر کا طالبعلم ابو طلحہ دوران علاج ہسپتال میں دم توڑ گیا۔ڈی ایس پی عارف والا حافظ خضر کے مطابق فائرنگ کے واقعے میں ملوث 2 ملزمان کے خلاف مقدمہ درج کر کے واقعے کی تحقیقات کا آغاز کر دیا گیا ہے۔مقتول ابو طلحہ کے والد کا اس حوالے سے کہنا ہے کہ ملزموں کو کرکٹ میچ کے دوران جھگڑے کا رنج تھا، ملزموں نے بیٹے کو میری آنکھوں کے سامنے فائرنگ کرکے قتل کیا۔انہوں نے بتایا کہ ابوطلحہ گزشتہ شام تیل کی ایجنسی میں بیٹھا تھا جب ملزموں نے حملہ کیا۔حافظ خضر کے مطابق ابوطلحہ کا پوسٹ مارٹم کرا لیا گیا ہے اور ملزمان کی گرفتاری کے لیے چھاپے مارے جا رہے ہیں۔