اسلام آباد (این این آئی)الیکشن کمیشن آف پاکستان نے سوشل میڈیا پر چلنے والی بلدیاتی انتخابات خیبر پختونخوا کے 19 دسمبر کو ہونے والے پہلے بلدیاتی انتخابات کے ملتوی ہونے کے خبر کی سختی سے تردید کی
ہے ۔ جاری بیان میں الیکشن کمیشن نے کہاکہ وضاحت کی جاتی ہے کہ خیبر پختونخوا کے 19 دسمبر کوہونے والے انتخابات مقررہ شیڈول کے مطابق 19 دسمبر ہی کو ہونے جا رہے ہیں۔بیان کے مطابق الیکشن کمیشن نے عوام سے اپیل کی کہ وہ اس سلسلے میں کسی بھی خبر کی تصدیق الیکشن کمیشن کے ویب سائٹ اور شعبہ تعلقات عامہ سے رابطہ کیا کریں اور گمراہ کن اور بے بنیاد جھوٹی خبروں پر یقین نہ کریں اور نہ ہی بغیر تصدیق کے ایسی جھوٹی خبروں کو آگے شیئر کریں۔انہوںنے کہاکہ ہر صوبے میں الیکشن کمیشن کے پبلک ریلیشنز آفیسرز موجود ہیں اور مرکز میں شعبہ تعلقات عامہ الیکشن کمیشن ہی سے رابطہ رکھا جائے اور صرف الیکشن کمیشن سے جاری شدہ بیانات اور پریس ریلیز ہی کو عوامی آگاہی کیلئے شیئر کیا جائے۔
