دبئی (این این آئی)افغانستان کرکٹ ٹیم کے کپتان محمد نبی نے پریس کانفرنس کے دوران ایسا جملہ کہہ دیا جس سے وہاں موجود تمام لوگ ہنس پڑے۔ افغانستان نے سپر 12 مرحلے میں اسکاٹ لینڈ کو 130 رنز کی بھاری مارجن سے شکست دی تھی۔ اس میچ کے اختتام پر افغانستان کے کپتان محمد نبی نے پریس کانفرنس کی جس کا ایک کلپ سوشل میڈیا پر

وائرل ہوگئی انہوں نے پریس کانفرنس کے دوران کہا کہ سب سے مشکل کام ہے یہ۔ انہوں نے رپورٹرز سے سوال کیا کہ کتنے سوالات ہیں؟ 5 منٹ میں میری انگریزی ختم ہوجائیگی۔خیال رہے کہ محمد نبی راشد خان کی جانب سے کپتانی سے دستبردار ہونے کے بعد ٹیم کے کپتان بنائے گئے تھے۔ افغانستان کی ٹیم سپر 12 میں پاکستان اور بھارت کے ساتھ گروپ 2 میں موجود ہے۔ یاد رہے کہ پاکستان اور افغانستان 29 اکتوبر کو دبئی میں ٹکرائیں گی۔