راولپنڈی (این این آئی)قومی کرکٹ ٹیم کے سابق فاسٹ بولر شعیب اختر وکٹ کیپر و بیٹسمین محمد رضوان سے مْتاثر ہوگئے جس کی ویڈیو اْنہوں نے سوشل میڈیا پر شیئر کردی۔فوٹو اینڈ ویڈیو شیئرنگ ایپ انسٹاگرام پر شعیب اختر نے محمد رضوان کا ایک ویڈیو کلپ شیئر کیا ہے جس میں اْنہیں کرکٹ گراؤنڈ میں نماز ادا کرتے ہوئے دیکھا
جاسکتا ہے۔یہ ویڈیو گزشتہ روز ہونے والے دْنیائے کرکٹ کے سب سے بڑے مقابلے پاک بھارت میچ کی کہ جب محمد رضوان نے پانی کے وقفے کے دوران نماز کی ادائیگی کی۔شعیب اختر نے انسٹاگرام پر ویڈیو شیئر کرتے ہوئے کیپشن میں لکھا کہ اللّہ تعالیٰ اْس سر کو کسی کے آگے جھکنے نہیں دیتا جو صرف اللّہ تعالیٰ کے آگے جھکتا ہے۔
