پشاور، کابل (آن لائن، این این آئی) افغان کرنسی کی قدر میں مزیداضافہ ہو گیا ہے افغانستان میں تجارت افغان کرنسی میں ہونے اور افغانستان میں صورتحال میں بدستور بہتری آنے کے بعد افغان کرنسی کا کاروبار ایک بار پھر چمک اٹھا ہے ۔یاد رہے کہ افغانستان میں حالات خراب ہونے کے باعث افغان کرنسی پاکستانی روپے کے لحاظ سے افغانی کرنسی
1.5سے کم ہو کر 2.5افغان کرنسی تک پہنچ گئی تھی افغانستان میں تجارت افغان کرنسی میں ہونے اور افغانستان میں صورتحال میں بدستور بہتری آنے کے بعد پیر کے روز کرنسی مارکیٹ میں افغان کرنسی کی مانگ میں ایک بار پھر اضافہ ہو گیااورافغان کرنسی کی مالیت پاکستانی ایک روپے کے برابر ہو گئی ہے۔ طالبان حکومت کے آنے کے بعد افغان کرنسی کا کاروبار جزوی طور پر بند ہو گیا تھاتاہم افغانستان میں افغان کرنسی کی مانگ میں اضافہ ہونے کے بعد پاکستان میں بھی افغان کرنسی کی مانگ میں اضافہ ہونا شروع ہو گیا ہے افغان تاجروں اور افغان شہریوں کی جانب سے افغان کرنسی کے استعمال ایک بار پھر شروع کردیاہے ۔دوسر ی جانب افغانستان میں تمام تجارتی لین دین افغان کرنسی میں ہوگا۔میڈیارپورٹس کے مطابق افغان طالبان نے اپنے سوشل میڈیا اکاونٹ پر کرنسی کے حوالے سے بیان جاری کردیا۔میڈیارپورٹس کے مطابق افغان طالبان کا کہنا تھا کہ ملک کی شناخت بہت اہم ہے، ایسا کوئی فیصلہ نہیں کیا جائے گا جو وطن کے
مادی اور روحانی مفادات کے خلاف ہو۔واضح رہے کہ گزشتہ ہفتے قائمہ کمیٹی برائے خزانہ کے اجلاس میں پاکستانی وزیرِ خزانہ شوکت ترین نے بتایا تھا کہ افغانستان کو ڈالر کی کمی کا خدشہ پیدا ہو گیا ہے، اس لیے افغانستان کے ساتھ تجارت ڈالر میں نہیں پاکستانی روپے میں ہو گی۔انہوں نے کہا تھا کہ آئی ایم ایف اور عالمی بینک نے افغانستان کے ڈالر روک رکھے ہیں، افغانستان کی صورتِ حال کا روزانہ کی بنیاد پر جائزہ لیا جا رہا ہے۔
