کراچی(آن لائن)آل پاکستان سی این جی ایسوسی ایشن سندھ زون نے ایل این جی پر17فیصد ٹیکس اور فنانس ایکٹ میںجی ایس ٹی میں12فیصد اضافے پر سی این جی کی قیمت میں اضافے کا اعلان کیا ہے اور کہا ہے کہ آج بدھ کے روز سے سندھ میں سی این جی 180روپے کلو میں

فروخت کی جائیگی۔گزشتہ روز کراچی پریس کلب میںپریس کانفرنس سے خطاب کرتے ہوئے آل پاکستان سی این جی ایسوسی ایشن سندھ زون کے شعیب خانجی،سید ولی وارثی اور دیگر نے کہا کہ مہنگی ایل این جی کی خریداری کے باعث سی این جی کی صنعت تباہ ہوجائیگی اور سی این جی اسٹیشنز مالکان سمیت صارفین کے اربوں روپے ڈوب جائینگے ،اس وقت لاگت کے اعتبار سے سی این جی کی قیمت180روپے کلو ہونی چاہیئے ،تاہم سی این جی اسٹیشنز مالکان نقصان میںاپنا کاروبار چلا رہے ہیں،ہمارا مطالبہ ہے کہ جب تک عالمی مارکیٹ میںایل این جی کی قیمتوں میں اضافے کارجحان ہے،تب تک جی ایس ٹی میںکمی کی جائے تا کہ سی این جی کی صنعت کی بقائ� کو لازمی بنایا جاسکے ،اسٹیشنز مالکان کا کہنا تھا کہ اس صنعت سے چار لاکھ افراد کا روزگار وابستہ ہے اور اگر ہمارے مطالبات تسلیم نہ کئے گئے تو ہم4ستمبر سے پورے سندھ میںسی این جی اسٹیشنز بند کر دینگے اور سی این جی کی صنعت کو مکمل طور پر بند کردیا جائیگا،سی این جی اسٹیشنز کی بندش سے لاکھوں افراد بے روزگار ہوجاینگے جس کی تمام تر ذمہ داری حکومت پر ہوگی