کراچی (این این آئی)سابق وزیر خزانہ اورن لیگی رہنما مفتاح اسماعیل کااہم حوالہ ان کا خاندانی کاروباربھی ہے،جس کے تحت انہوں نے ن لیگ کا ووٹ بینک بڑھانے کیلئے کچھ الگ ہی سوچ ڈالا۔کینڈی لینڈ کی معروف پراڈکٹ کوکومو کے پیکٹ میں چاکلیٹ اور بسکٹوں کی تعداد میں کمی کے بعد سوشل میڈیا پرصارفین نے جیلی چلی ملی کے حوالے سے شکوہ کیا
جس کا نوٹس لیتے ہوئے مفتاح اسماعیل نے جیلی کو مزید جوسی بنانے کا وعدہ کیا لیکن ساتھ ہی پرمزاح انداز میں لیگ کوووٹ دینے کی شرط بھی عائد کردی۔ٹوئٹرصارف نے کہاکہ چلی ملی اب جوسی کیوں نہیں رہی، ہمیشہ اتنی سوکھی اورمری ہوئی ہوتی ہے جیسے کہ چلی ملی ڈرائی فروٹ کھا رہے ہوں ۔جواب میں مفتاح نے اسماعیل انڈسٹریزکے مالکان میں سے ہونے کا فائدہ اٹھاتے ہوئے لکھا ، میں ان سے چلی ملی کومزید جوسی بنانے کا کہوں گا، لیکن آپ وعدہ کریں کہ آئِندہ انتخابات میں ووٹ پاکستان مسلم لیگ(ن) کو دیں گے۔یہ شکوہ کیا تو اسامہ لالی نامی صارف نے تھا لیکن مفتاح اسماعیل کے مشروط وعدے کے بعد بیشتردیگر صارفین نے بھی موقع اچھا دیکھ کراپنی فرمائش نوٹ کروانے کے ساتھ ساتھ لیگی رہنما سے وعدہ کیا کہ ووٹ پکا ان کا۔خاتون صارف نے جہاز سے گھروں میں پیکٹس گروانے کے بدلے ووٹ دینے کی یقین دہانی کروائی۔کوکومو کے شوقین صارف نے عرض کی کہ کوکومو کا بھی کچھ کریں، 5 روپے کے بدلے 5 تو ملنے چاہئیں ۔جواب میں عثمان نے تڑکا لگایا کہ مہنگائی کے حساب سے تو 5 روپے میں 3 کرنے کا سوچ رہے ہیں۔ایک صارف نے نیوٹیلا سستا کرنے اور کوکومو میں چاکلیٹ بڑھانے کے بعدلے ن لیگ کی سوشل میڈیا کمپین چلانے کی آفر کردی۔جرنلسٹ امبررحیم شمسی نے مفتاح کی اس فرمائش کو ن لیگ کے انتخابی وعدے سے بخوبی جوڑا۔
امبر راحم شمسی نے لکھا کہ چلی ملی کو عزت دو۔مصطفی نامی صارف نے لکھا کہ مفتاح اسماعیل ریاست اور معاشرے کے درمیان خلا کر پر کرتے ہوئے۔عذیر نامی صارف نے مشورہ دیا کہ آپ کو تمام بڑے شہروں میں ایم اینڈ ایم اسٹور کی طرح فلیگ شپ کوکو مو اسٹور کھولنے چاہئیں اور انہیں مسلم لیگ(ن)کے بیانیے کو فروغ دینے کے لیے استعمال کریں۔شہربانو نے کہا کہ اور ووٹ نہ دیا تو پہلے والا جوس بھی نکال دیں گے۔ایک اور صارف نے پیکٹ میں جیلی کی تعداد بڑھانے کا کہا۔
